v.v
其實這刻我還在office 死緊d 鎖 碎但must do 的事, 但仍偷偷死上blog, 真係….
終於織好第一件給囡囡的織品, 是條頸巾仔! 但似乎雪玲不喜歡, 一給戴上便扯走.
嗯.. 是因為織得唔靚?
我好似真的病了.
拗柴的腳腫啦, 我懶, 不打算自己推葯酒, 去看跌打, $180大元, 明天繼續.
11/3/2005
6/3/2005
３月６日雜談４
公司準備出ＣＢ２，係好事，希望會有更好消息．
黎志雄”嫁”過去美國啦，昨天出發．在此祝他生活快樂．
今天或去買新的電視機．．．感謝鈴鈴”淋”壞各件東西．．．唉
（如果來得及送貨，明天就THE MONK 3睇啦 
）
冇工人，真係差一點，尤其當要一個人對個１歲半小孩＋１多事幹的貓時．．．
３月６日雜談３－－囡囡
囡囡星期四晚發熱，唯有去看醫生．大抵是感冒，但她咳了越來越密．不知何時好？很弄合，撞正她要去打５合１的時間，希望她快Ｄ好．
好想織件裙仔俾豬豬，但仲停留係８份１階段，睇怕到了今春季都未有件溫暖牌（其實昨天已是驚蟄啦．．．）
３月６日雜談１
成二個月都沒理自己的ｂｌｏｇ，不是生活太平淡，而是自己沒心機理．一來是因為入冬後，手指的濕疹太嚴重，經常發炎痕癢、爆拆，沒心情屈起手指打字；二來神經鈴經常到處噴尿，把屋企每角落也弄臭，也是不理開電腦．就是有機會行去打電腦，也把心神放了去看ｂｋ，或整理數碼相．
濕疹這種體質真的很討厭，但我更是嚴重患者，有很多東西已經擱在一邊很久，如織了一半的冷衫，執什物．．．到底什麼時候可完成？
借庫
很久沒管這blog, 一來講借庫.
原因嘛… 因為今天正月廿六開庫, 而我又窮久了, 很想變, 想去借~
自己拜觀音菩薩多年, 方式越來越俗, 今年還想去借庫, 到底我是跟佛的還是道?
什麼也好, 還是要講緣, 現在已是五時, 我還沒有出街…還是沒緣…
錢呀~ 囡囡係時候要上學
30/11/2004
2/11/2004
雜談- 2 nov,2004 (tue), 晴
#yr3果陣, 我上盧瑞盛的課的時候, 問了一題, 就係而家資訊處爆炸時代 (互聯網開始熱), 我地點吸晒咁多資訊? 我果陣被反問了一句…都唔記得結論係咩， 反而淨記得問題。 Well，過左咁耐， 到目前為止我的心得係: 吸唔晒，罷就啦！如果唔係為工作的話, 純粹揀自己喜愛的看/聽就算. 其實這問題的基本式是小學時代的: “我如何分配自己的時間?”
哎~ 如果我想過睡眠充足的生活, 我就會得放棄上網流連；就是爬了上網，也要在自己的blog、到處surfing、閱覽媽咪板、化粧板或是check/clear自己郵箱作決擇。還好是囡囡的daddy都算遷就我，幫我看女啦！
近來的時光就係LoGD (線上遊戲) 中蕩走了, 哎~
#換版面好好玩！可以同自己的blog 換template，感覺就如同公仔玩換衫一樣~ 不過比起來，以前我下下用幾個鐘時間同自己的pc 換介面template來看，現在沒以前變態啦~
#就快要搬office，想到就頭痛。不過搬不搬也好，我有無數的事未做好… 為此，我的確內疚又無奈 
#對上兩個星期，我和囡囡都重感冒。到了上星尾，情況終於好了很多^^，星期六，首次帶她返miss了兩堂的playgroup，起初很怕醜啦，但漸漸玩得投入了；之後，帶她去join 個bk 的媽咪聚會，也是我首次join 媽咪聚會！係石硤尾公園的兒童室內遊戲場，鋪了軟’戰’可以任碌，又有很多bb係度。這周六囡囡玩得很開心啦 (補充：其實我都很開心啦！) 
#好耐冇看電影，好想入戲院啊！
呀~ 達明開個唱，怎麼到今天我才留意到個唱detail? 門票也早公佈了消息….哎我的收料倩況真糟糕 
不過，咩黃耀明而家簽了俾英皇咩？ 點解個演唱會會係英皇hold 的？？
#黎志雄，恭喜了！以後好好的待老婆仔啦！
18/10/2004
雜談
about 貓貓
鈴鈴可能唔滿意我成日唔理, 或恰佢, 或幫囡囡欺負佢, 或令到佢老豆唔理好佢(佢老豆出trips或開夜, 其實都唔係因我起的…), 再加埋我成日整佢 (同佢梳毛, 尤其佢條尾), 威脅佢地位, 於是佢對我的態度羊到不得了, 成日無端向我脾四. 今晚仲抓中了我一下. 而早兩日, 則唔滿意我整佢餐飯慢, 咬著我腳跟; 還有不少累積的… 呢隻水煮鈴, 睇怕我搵日要修理他一鑊 
傍晚,正在英倫的 e call我, 起來以為她在大叫/笑, 聽清d, 原來係在哭得收不了聲, 嚇著! 原來貓貓黑豆趁e媽媽埋垃圾時溜出街, 之後未回過家一個月. 聽到這裏, 老實說, 也想不到可怎幫她, 最多可做的, 唯有星期一試問愛協及漁農署有冇相關的貓report, 係internet上問下人有有遇過豆豆. 跟gab 討論過, 不過如果豆係冇事, 又肯回家, 應自己會蒲頭. 所以還有絲希望再見她的, 只是不知是何時的事. e啊~ 難過多一陣好啦, 至低限度, 知道黑豆係溜走, 而並唔係由窗口跌出街呀!
囡囡的
我太過手腳慢, 如果是由我做家事兼服待囡囡, 通常是做到好晏都未掂~ 就好似今日咁, 一個美好的星期日, 竟要黃昏時份才可FREE 出街… 唉 
近來餵囡囡食餐, 都定攪到烏煙瘴氣, 原來她要自己拿著匙自己(北)粥仔食. 但又拿不隱, 於是玩到一地食物, 但她又吃不了多少! 今晚外出食飯, 以致她的晚餐有點誤時, 回到家干脆開米糊給她算~ 又快, 方便整! (不過太縱她…) 結果她自己拿來匙仔自己(北)糊仔, 而意外地, 因為糊仔杰身, 方便她自己(北), 結果自己吃了半碗哩!(雖說只是隻小碗). 我和GAB都有讚她 囡囡冇好開心咁笑, 不過我後看到她流出古惑又得戚的眼神, 應該很自信.
每次看到她有小進步, 確實是很開心的
17/10/2004
VOX (an album, newage music)
Andreas Vollenweider 終於出新碟. 歐版是mid-sep, 德版是27-sep, 美版要05年-jan. (真煩耶~要問下力肥有咩分別先) 他的官網話這張vox 距離上一張碟已有4年了~ 真的不經不覺, 時光荏冉…
其實此君近兩,三張碟已經開始麻麻合’耳緣’, 但基調還是電子harp + 印度 + 中亞 feel world music, 本質仍是我愛的東西, 至少總有一,二首窩心的音樂, 所以每張碟我基本上是會買. 不過, 要聽得最窩心的 “down to the moon” “white wind” 等album再現, 相信是很難了.始終作者心情己不同往日, 就是聽者也有分別於昨日了.
16/10/2004
感mao了
上周老公出trip. 其間奶奶的工人病了, 大感冒, 由上周三起太婆說不能帶bb過去, 以免傳染到 ( 
阿太實在緊張啦)
老公出完trip周五回港, 原來都感冒了, 起初還死頂, 周一還不是去看了醫生. 阿太說要替bb著多件衫, 以免涼親及惹到佢. 星期二, bb 也有點燒及runing noise, 看了醫生, 之後沒燒.
星期三, 阿太說工人仲未好, 費事惹到bb, 所以不要她過去好. 我在家看小囡囡之餘亦心癮起, 整了一盤很難吃的咖哩, 吃了, 結果當晚感喉嚨不適, 加上睡不足, 第二天亦病了:???::???:.
bb在我親密照料下, 很快亦見有點咳有啖 .
周四阿太話工人稍好啦, 過兩天可以帶bb回去給她湊. 但這時, bb 已’領’ 了. 阿太怎緊張也沒用. 實情感冒這家事常有, 在小朋友身上也常見, 小心是應該, 但嚴防就似乎沒可能.
另外, 或如醫生所講, 母乳的抗體在bb一歲後作用開始弱, 似乎也是真的. 自11個月起, 囡囡平均一個月見一次醫生 (破財啦 )
小bb快點沒事就好了. 今天還得去看醫生~
26/9/2004
大發現
小寶寶每天都在成長, 在不為意時, 囡囡原來已學會/ 做到很多事, 令我一時間也為之驚訝 
昨天, 我發現她竟可以:
1. 吃掉半碗河粉+飲了不少味精湯+半個x燒包
2.捧著個大蘋果 (近富士蘋果), 咬咬之間, 咬掉了皮吃了幾口 (得4 隻牙仔就咁惡 )
3. 開始識'’害怕'’
18/9/2004
專登將張相縮到咁細, 費事佢成為d 蘿利收集品 10/9/2004
30/8/2004
22/7/2004
Hello world!
Welcome to WordPress. This is the first post. Edit or delete it, then start blogging!